Saturday, August 6, 2011

လေဝါရိုင်းသို့


လေဝါရိုင်းသို့


တိဘက်ကုန်းမြေမြင့်ကစီးဆင်းလာတဲ့
ငါတို့ဘိုးဘေးတွေရဲ့သွေးတွေနဲ့
ထုဆစ်ထားတဲ့အလှဆုံးကဗျာဟာ
မြန်မာ…….                    

ချင်တွင်း ဧရာ သံလွင် စစ်တောင်း
မြစ်မင်းအပေါင်းစီးဆင်း
ရိုးမတောင်တန်းတွေအထပ်ထပ်ကထမ်းပိုးထားတဲ့
စိမ်းမြတဲ့ကဗျာ
မြန်မာ……             

အနော်ရထာနဲ့ကျန်စစ်သား
ဘုရင့်နောင်၊အလောင်းဘုရား
အောင်ဆန်းတို့ရဲ့ဝိညဉ်တွေ
ပန်ဆင်ထားတဲ့သတို့သမီးကဗျာ
မြန်မာ……              

အခုတော့
အရှေ့မြောက်အရပ်ဆီကတိုက်ခတ်လာတဲ့
အေးစက်ကြမ်းရှတဲ့လေဝါရိုင်းတွေက
ငါတို့ရဲ့ကဗျာသတို့သမီးရတနာကို
ဆံမြတ်လည်းပြေ ပန်းလည်းကြွေအောင်
ကုတ်ခြစ်နေခဲ့ပြီ   


ယူတယ်
မြွေ၊ဖါး၊ငါးရှဉ့်၊ဂဏန်း
ဆန်၊ကြံ၊ဖရဲ၊ဆန်ကွဲ
မန်ကျဉ်း၊ရော်ဘာ၊ငှက်၊ကြက်
အင်ကြင်းကျောက် နဲ့ တောက်တဲ့
ခေါင်းပုံဖြတ်ခံလိုက်ရတဲ့လုပ်အားတွေ
ယူတယ်……
ယူတယ်……
ယူတယ်……                     


ပြန်ပေး
ငါတို့ရဲ့မုတ်သုန်သစ်တောတွေပြန်ပေး
ပြန်ပေး
ငါတို့ရဲ့သဘာဝဓါတ်ငွေ့တွေပြန်ပေး
ပြန်ပေး
ငိါတို့ရဲ့ခိုးယူခံရတဲ့သတို့သမီးတွေပြန်ပေး
ပြန်ပေး
ငါတို့ရဲ့ကျောက်စိမ်းတွင်းတွေပြန်ပေး
ပြန်ပေး
ငါတို့ရဲ့စစ်ဆောင်ပနားကိုပြန်ပေး
ပြန်ပေး
ငါတို့ရဲ့ရွှေမန္တလေးနေပြည်တော်ကိုပြန်ပေး
ပြန်ပေး
ငါတို့ရဲ့မေခနဲ့မလိခကိုပြန်ပေး
ပြန်ပေး
ငါတို့ရဲ့ပင်လယ်ကြီးကိုပြန်ပေး
ပြန်ပေးဟေ့ ……            


ကြောင်မည်းမည်း ဖြူဖြူ
ရသမျှအကုန်ယူမယ်ဆိုတဲ့မည်းနက်တဲ့အတ္တနဲ့
ငါတို့ရဲ့အိမ်ဘေးကဆွေမျိုးပေါက်ဖေါ်ကြီးများခင်ဗျား
ခင်ဗျားတို့ရဲ့အီကြာကွေးတွေပြန်ယူသွား
ပေါက်စီတွေပြန်ယူသွား
မာလာဟင်းတွေပြန်ယူသွား
မယ်လမင်းနို့မှုန့်တွေပြန်ယူသွား
လူသတ်ခြင်ဆေးခွေတွေပြန်ယူသွား
ကျန်ကျောင်းတွေပြန်ယူသွား
ဗကပတွေပြန်ယူသွား
တရုပ်စက်တရက်စုတ်တဲ့စက်ပစ္စည်းတွေကိုပြန်ယူသွား
စံမမှီဆေးဝါးတွေကိုပြန်ယူသွား
တရားမဝင်အခြေချတဲ့ကျူးကျော်သူခိုးတွေကိုပြန်ယူသွား  


ငါတို့ဟာ ယူနန်ပြည်နယ်ရဲ့နောက်ဖေးပေါက်မဟုတ်ဘူး
ငါတို့ဟာ ပုလဲသွယ်မဟာဗျူဟာရဲ့အဖြည့်ခံပုလဲတလုံးမဟုတ်ဘူး
ငါတို့ဟာ မျက်နှာမည်းကြီးပေါင်ချိန်ရဲ့စီရင်ခံရမယ်တရားခံမဟုတ်ဘူး  

ငါတို့ဟာ ကောင်းတုံခံတပ်ဖြစ်တယ်။
ငါတို့ဟာ ယမ်းနွဲ့ပါးဓါးဖြစ်တယ်။
ငါတို့ဟာတိဘက်လွင်ပြင်ကဆင်းသက်လာတဲ့
ငါတို့ထီး ငါတို့နန်းကိုတည်ထောင်ခဲ့သူတွေရဲ့သားမြေးမြစ်တွေဖြစ်တယ်။
ငါတို့ဟာတရုပ်ပြည်ကြီးကိုဖရဲသီးလိုလှီးခဲ့ကြတဲ့
နယ်ချဲ့နဲ့ဖက်ဆစ်ကိုတွန်းလှန်မောင်းထုတ်ခဲ့တဲ့သူတွေဖြစ်တယ်          


ငါတို့အပေါ်မီးလိုဆိုရင်
ငါတို့ကလည်းနေဆယ်စင်းလိုထက်ပူပြင်းပြမယ်။
ငါတို့အပေါ်နှင်းလိုအေးမြရင်
ငါတို့ကလည်းလရောင်ဖြာပေးလိုက်မယ်။
အကောင်းဆုံးက
ကိုယ့်တရားနဲ့ကိုယ်နေရင်
ငြိမ်းချမ်းရေးဆိုတဲ့စကားလုံးတောင်မလို
ကမ္ဘာဟာလှနေမှာပဲ။                  


                                                       အေးခိုင်
                                                                 6.8.2011